بدون مقدمات الأبيات
تضحك علي تقول لي عندك ظروف=وأصدقك وأقول بكره تعدل
وأسدي لك المعروف في سد معروف=ودي معك في كل حال أتجمل
واليوم بان القصد واضح ومكشوف=ودك من الصحبة رويدا تنصل
لا تقول لي ملهوف منته بملهوف=قصدك على ماقيل فوقي تمثل
اللي مضى ماني بملحقه محسوف=مليت من كثر الرجا والتوسل
بطويه بالنسيان في داخل ظروف=وأرميه برشيف الزمان المغربل
النفس طابت والأمل صار معيوف=وقف قطار العمر عيا يكمل
ما عاد بمشي درب وعرٍ وملفوف=عذره من الدرب القديم المبهذل
بشوف لي دربٍ جديدٍ ومرصوف=بمشي معه ماعاد غيره ببدل
هذا الطريق اللي غدا كله جروف=يقصر طويل العمر والطيب ينمل
ما يسلكه الا متهور وملقوف=وين ما تحول معه يبا يتحول
بعض الشقا والله ماهو بمخلوف=مهما تحمل بأخره ما تحمل
تضحك على نفسك ولو عندك ظروف=لكنها طول العمر ما تعدل