الثبيتي يسلم والســــلام بســــلام.....ما انحنى للزمان ولا زمانه حنـاه
من طلبنـا لقانا باللـــوازم قيــــــام....ومن طلبناه ماله من يدينا نجاة
الفتى من ثبيت ليا بلــغ للفطـــــام...صار سيد وله بالناس ذكر وجــاه
ذكــرنــــا عارفينــه جد مـا هو كلام..حافرينه على التاريخ غصب علاه
في ديرنا تربى سيـــد كل الأنــــــام....معه حلت وجوب الفخـر والغنـاة
الفخـــر زارعينـــه بصــم العظــــام......وارثينــه وحنا للفخــر منتهــاه
نفتخـر بالرسول ونفتخـر بالعــــلام...ونفتخر بالسيوف ونفتخر بالرماة
ونفتخر بالفوارس لو صــار اقتحـــام...ونفتخر بالشيوخ ونفتخر بالقضاة
ونفتخر بالحصون ونفتخر بالخيــــام...ونفتخر في منازلنا بجبال السـراة
ونفتخر بالفصــاحة جنــوب وشـــام...ونفتخر بالبداوة والرجال الحفــاة
ونفتخر بالثيــاب ونفتخر بالحـــزام...ونفتخر بالمحاجي والحــلا والحـلاة
ونفتخر بالغــراز ونفتخر بالبشـــام...نفتخر بالدبوش ونفتخر بالدهاة
ونفتخر بالهنوف اللي خباها اللثام...ونفتخر بالولد عمه وخاله وأبــاه
ونفتخر بالصقور اللي تصيد الحمام.....ونفتخر بالوطن كله ونتبع غـلاه
ونفتخر بالضيوف ونفتخر بالطعـــام.....نفتخر بالخوي والجار نحمي حماه
الخـــوي مكرمينه ولا هو مضـــــام....وإن دعتنا وجوبــه وربــه عطــاه
نرفعه بالمعزة فوق هـــام الغمــــام.....وإن طلب شيء منا نحقق منـاه
يا خويي فراقــك للرجــال الحشـــام...ما نوده لكنه من ظروف الحيــاة
بالجسد وإن بعــدتم قلــوب الكــرام.....الثناء عامرة والقلب يتبع هواه
يا علي اسمك مسطـــــر نقي تمـــام...بالصحائف مدى الأيام وأنت معاه
طيبكم فوق صدرك معلـــق وســـام....من عرف طيبكم ماعاد والله نساه
جئت أبارك و أهني بهــذا الختـــام...بالتقاعد وطول العمر يتبـع وراه
ربنا ريحــك من مشــكلات الــــدوام...والتحاضير والإشراف وبذة خفــاه
ومشكلات المدير ومشكلات النظــــام...ومشرف ما تميز فطنته من غباه
والهنيء من ختم دنياه صلى وصام.....وسخر العمر للرحمن يطلب رضاه
يا علي سـجـدة للـــه خــلف المقــــام....وشربة طاهرة من بئر زمزم وماه
وركعتين بجــوف الليـــل بعد المنــام....ودعوة صادقة اللــه يكتب شـــفاه
قبلك أيوب عانـى جــــروح وســــقام....واتكل واحتسب واللـه حقق دعــاه
وخاتمتها الثبيتي يكــرر ســـــــلام....ما انحنى للزمـان ولا زمــانه حنـاه