كيف انام الليل والغالي بعيد = كيف عيني تهتني بـحـلو المنام
ما يفيد العطر والثوب الجديد = دام عنيني ماتشوف احـلا الانـام
شـوفـت المحبوب تسوى الف عيد = غيبته كالحـزن مـبـري للعـظام
سافر اللي ساكن(ن)وسط الوريد = واخـلـف الدقات عـندي والنظام
غـاب عني راعـي الحسن الفريد = من غيابه عشت انا بدنيا الظلام
وعـذاب القلب مـن حـظ(ن)عنبد = مـن فـراق الخل سـامـر ماينام
برسل المظروف مـع ساع البريد = قبل لايصبح فـوادي مـن الحـطام
لجل يرجـع صاحب القلب الوحيد = الـذي حـبـه عـلـى صـدري وسام
حـب غيره لو عشقته مايـفـيـد = لن حـبـه غـيـر عـن كل الغرام
له بوسط القلب قصر(ن)من حديد = مـادخل فالقصر غيره مـن الانام
هـو منى عيني وهو روح القصيد = هو حياة القلب وهـو درب السلام