اسمعك في نومي تنادي واجاوبك=
واصحى وارحب ياهلا بالمنادي !!=
واثرك مشلا حلم وتزر صاحبك !!=
وليا صحى من نومته رحت غادي=
نهبت عقلي ياعسى الخير ينهبك !!=
وأعطيتني من جود حسنك سهادي=
ليت الذي بعدك مني يقربك !!=
كان اهتنيت بشوفتك والرقادي=
مير الزمن والحظ عني مجنبك=
أخذتك مني وأسرفت فالبعادي=
ما باقي إلا ذكريات لمطالبك !!=
شيء ٍ تركته بالحشا غير عادي=
ملكت قلبي والمشاعر تجاذبك=
مابين ليت وليت ضاع المرادي=
لكن ماني من غلاتك معاتبك !!=
ياأغلى من الغالين داخل فؤادي=
سو الذي يعجبك ماني محاسبك=
لو كان تحرمني لشربي وزادي=
مكانتك عندي كبيرة ومنصبك=
للقلب فيني مثل حاكم بلادي=
تأمر وأنا مطواع ماني معذبك=
لو تطلب عيوني عطيتك وكادي=
ما دامني حتى بنومي مجاوبك=
وكاد في صحوي بهلي وأنادي !!=