والله إني أحبك يانسيم الغرام=
حب ما حبته ليلى ومجنونها=
في غرامك فؤادي يأريش العين هام=
أنت روحي وعيني أنت لي نونها=
مير مني سلام ومنك فوقي سلام=
سر الأيام باح الشعر مكنونها=
إن كتبتك قصيدة زان فيك الكلام=
وإن رسمتك تزين اللوحة ولونها=
ياشبيه القمر ليل إكتماله تمام=
حلو الأيام حال البعد من دونها=
غيبتك حطمت حلمي عسى للرحام=
كسَّر الصبر عزم النفس وظنونها=
مابقي غير جمرة عشق فوق الحزام=
خلف عوج الحنايا وأنت مديونها=
من سنين ٍ طوال العام يقفاه عام=
جرح الأشواق ينزف يابعد كونها=
ماتطيب الجروح بصحو وإلا منام=
دام سود الليالي صرت مرهونها=
حسبي الله على الدنيا تحب الملام=
شيبت في حلوم النفس وعيونها=
كل ماقلت بالأول يجي بالختام=
شين الأيام ماينسي لمزيونها=
والله إني أحبك يانسيم الغرام=
حب ما حبته ليلى ومجنونها=