أسعدكم الله
الأبيات بدون مقدمات
حلمي اللي من سنين أحلمه مات البارح=إنطفت شمعته من عاصف رياح سنيني
حين قالت:خائفة والخوف سمٍ(ن)ذابح=ببتعد من شأن لا تشقى ولا تشقيني
ياحياتي الهوى معروف سهمه جارح=سوي اللي يعجبك ياغالية وإنهيني
الهوى حملٍ(ن)ثقيلٍ(ن)للمشاعر فادح=لا تمكن من قلوبٍ(ن)قاسيه بتليني
ولا يهمك لو بقيت العمر فكري سارح=المهم إنك ليا من غبت ما تنسيني
اذكريني كل ما غنى الحمام الصادح=وإذكري إنك بيومٍ(ن)قايله تغليني
وإن ذبحني حبكِ(ي)من طيبتي اسامح=لو سمعتي ميتتي أرجوك لا تبكيني
لا يظلي دمع عينك مع خدودك سافح=إرم بالأحزان خلفك ياصبيً العيني
الحزن والهم ما يسعد لقلب النايح=الندم عقب الممات محال ما يحييني
حلمي اللي من سنين أحلمه مات البارح=إنطفت شمعته من عاصف رياح سنيني