الله ياسارق قلوب البشـر سـرق=والشرع مايحكم عـلاك ابجريمـه
مخلوق انا ماشفت مثله من الخلـق=مجمعـه فيـه المزايـا العضيمـه
الخد نوره يشبـه انوضـة البـرق=برقاً برق فـوق الديـار المحيمـه
ورموش عينه يوم يطرقبها طـرق=تهزم جيوشـاً ماتعـرف الهزيمـه
وما جبينه مثل شمساً من الشـرق=صافي سماها ماطلـع فـي ديمـه
والموت كل الموت في رزت العنق=وعضام جسمـه كلهـا مستقيمـه
وفوقه جدايل تحرق اهل الهوا حرق=ليلاً مايسري فيـه خيـال ريمـه
ناديت فوقه قلـت ياطيـب الخلـق=انتي منيـن وفـي ديـره مقيمـه
وكررت ماقلت وانا عارف الفـرق=بيني وبينه فـرق مانـي غريمـه
ماني وسيم ولا معي مـال يغـرق=انـا علـى ماقيـل دقـه قديـمـه
وجاوب بصوتاً فيه بحه من الحلق=بحـت دلـع والا علومـه سليمـه
وقال ابدوي مجنون ماتعرف العشق=والبـدو دايـم فالمحبـه غشيمـه
قلت البدو ماتعشق الا مـن العمـق=لاتدعي فـوق البـدو باالضليمـه
وقفا واناقفيت مع مفـرق الطـرق=انا اشهد ان الزيـن كلـه زعيمـه