للتواصل
أسف تعديت الحدود وتجريت=بينت لك ماكان بالقلب خافي
كنت أحسبك مثلي غلطت وتوريت=كشفت لك ما كان بين النحافي
وياليتني ماكنت بالسر سريت=لو احتفظت بخلجتي كان كافي
ماكان هنت وهان قدري وعريت=مشاعري للي مراده عيافي
أنا الذي للروح بالفعل ضريت=لولا التعجل ما حصل لي خلافي
غصن العنا للروح بالبوح جريت=حصدت شوكه هجر صد وتجافي
وثقت فيك وجيت لك ما تحريت=بهون وسيلة كان سهل إنجرافي
خصيتكم بالود مخلص وبريت=وكان العشم تكون بالمثل وافي
واليوم أشوفك من وصالي تبريت=عفت المشاعر والشعر والقوافي
أستاهل اللي صار لو كنت داريت=مخاطر الأوهام صارت عوافي
لكن عنها بالذرى ما تذريت=شريت بردك وأحسبه صيف دافي
ياليتني ماكان بالدرب مريت=ولا كان من شانك رميت بلحافي
أخذت من باقي رمادك وذريت=على عيون الفكر وأمسيت طافي
خابت ظنوني بعد مرهيت غريت=عكرت جوي بعد ما كان صافي
حظي رما بي في متاهات وأزريت=ضعت بصحاري نبتها ما يشافي
الحاصل إني كنت غلطان ياريت=أقدر أعود بالليالي خلافي
أسف تجاوزت الحدود وتمريت=في خد بختي والسنين العجافي
على حصان الشعر فريت كريت=أطعن بحد القاف طعن الرهافي