بسم الله الرحمن الرحيم
السلام عليكم ورحمة الله وبركاته
هذه قصيدة للشاعر / عبدالله بن نويجع القرشي
عن الوطن وقد أسماها / أرض الرسالة
يــا وطن قـدرك على هـام الســحاب = وفــي عيوني مـا يســـاويـكم أحــــد
يا وطن نهـجك على النهج الصـواب = نهـــج مــن جــا بالـــرسالــة لـلأبــد
إ ســـال التاريــخ يـــأتيك الجــــواب = مـــا بهـــا الدنيــــا مثيـلك مــن بلــد
الله اللي أعـــطاك وبليـــــــا حسـاب = يـــا عســى يفــداك مـــالي والــولـد
اطهر أرض اطهر ثرى أطهر تراب = لا يهمــك كـــل حاســـد لــو حســـد
أورد المــولــــى صفــاتك بالكتـــاب = معتلـــي شــــانك علــى طـول الأمد
فيــك بيــت الله وبيــت الله مُــهـــاب = دم مـن يبــغضك بعـــروقـه جــــمد
لك عبـــاد الله يشـــدون الـــركــــاب = يرتجــون الأجــر مــن واحــد أحــد
لك دعـــا ابـــراهيم والله استجــــاب = دعـــوة ابــراهيم وأجــزل في المدد
كل عـــود يعـــــود مــن حبك شباب = لا يهمـــك مـن لأفـضــالــك جــحــد
مــن مشى خلـف الضلالة والسراب = مــا جنـــى غيــر النــدامــة والنــكد
من فتح بـــاب الملامــــة والسبـــاب = نقــفـــل ابـوابــه بحبـــلٍ مــن مـسد
من فتــــح لاهل الغـــواية كـــل باب = كيــف يسلــم مــن مخــاليب الأســد
والأســد ما يــوم عن مــوطنه غـاب = يــوم ودعنــــا فهــد جــانـــا فـــهد
ذاك أبــو متعب وقـف ضد الصعاب = الله اللــــي اعــــطاه قــوة مــع جـلد
مــحتزم سيفــه وقوســـه والنشـــاب = عشـت ابــو متــعب يــاحـلال الـعقد
خاب من عــاداك وأعلنـــها انسحاب = يــا بــو متعب عشــت للأمــة سنـــد
ياوطــن نفـــدي كيـــانك بالــرقــاب = نحـــمي ارضــــك بالعتــاد وبالعـدد
ما يهم المــوت،،،، صبراً واحتساب = يــوم عــاهدناك نــــوفي بـــالــعـهد
يا إله الكـــون يا جـــزل الثـــــــواب = رافــــعاً سبـــعاً شـــداد بــلا عــمد
أنـت رب الخـــلق واليــــك المــــآب = كــل من بالكــون لــك ربـــي سجد
نرتــجي رحمــتك ونخـــاف الـعذاب = مـــالنا غــيرك مـــلاذ ومـــلتــــحد
يا وطــن قدرك علــى هــام السحاب = وفي عيــوني مـــا يساويكــــم أحـد
ـــــــــــــــــــــــــــــــــــ