ذوبتني بنت شمر ذوبتني=من سبايب عينها أغشى وأفيق
في بحور عيونها هي غرقتني=وفي بقايا ذاتها أنا غريق
بنت شمر بالنواظر هي رمتني=نشنت رمح الهوى بقلب(ن)عشيق
بالأدب والذوق والحسن سحرتني=شمريه والنسب والله عريق
يشهد الله بالغلا هي ملكتني=بدونها حتى حياتي مبطيق
صرت ادور زولها لا فارقتني=أشعر بجوفي من الفرقا بضيق
اه منها بكل شيء سخرتني=يا حلاة الشوق لو إنه حريق
قربتني من غلاها قربتني=صارت أقرب من قريب ومن شقيق
وإن سمعت بصوتها لا خابرتني=ودي أهدي كل شيء الها يليق
لو ملكت المملكة لا سامرتني=قلت لك من شط جدة لا بقيق