جيت للوادي وانا طربان=والسلام احلى من الزادي
شاعر(ن) وعزاتي الثبتان=اهل هيل وبـن وقنـادي

جيتنا يالشاعر العجـلان=مرحبا بالمسك والكادي
سيفنا واحد على العدوان=يوم ميعـادك وميعـادي

البقا من خاطر(ن) نصحان=يارجال العـرف والقـادي
يمكم يااصاحبنـا دنـدان=سامعه في موجة الـرادي

روح وأنشد صاحبي سرحان=من مشى فالدرب متحـادي
منهـو اللـي قفـل البيبـان=لين زعلوا كـل الاجـوادي

رحت له قال السبب سحمان=اثره اللـي فالبلـد غـادي
ذيبنـا ماياكـل الذرعـان=لو يطول الوقت والمـادي

لو نعاير حبـة النيشـان=كان ماللذيـب نشـادي
شوف فعله داخل الميدان=يشهد بفعله هل الـوادي

هونوها والعـن الشيطـان=واطلبوا معبودنـا الهـادي
ماحضرت معاكر الفرسـان=ولا اعرف اللي بالفعل بادي

عندي الحجه على البرهان=والعتيبي طامـع شـدادي
من يميل كفـة الميـزان=جاه مني سـم الاكبـادي

هات زلك وافرش الصيوان=وهات لي حامد وحمـادي
ماني بفارض علاك ايمان=الشبب وسلوم الاجـدادي

كيف ألم الحضر والبدوان=نارهـم تـزداد وقــادي
من يضيق من الوفا غلطان=لاتقول المشكلـه عـادي

بخهم ثم سم بالرحمـن=ولا تحرك كورة النـادي
احترص لاتكسر الجنحان=خل جو الباديـه هـادي

مايكفي وايـت(ن) مليـان=سكس ولا وايت(ن) عادي
وأبك انا في صلحهم شفقان=صلحهم هو رابع اعيـادي