مثل ماعودناكم للتواصل بدون فاصل
اليكم تحصيل حاصل
لو قلت لك مشغول بتقول لي بأيش؟=سؤال تعرف يا غناتي جوابـه
ما فيه غيرك مشغل القلب وتعيش=مابين روحي والفؤاد وعذابـه
أشغلتني عن مطلب الروح والعيش=ذبحت عقلي بالهوى والصبابـه
فتنتني بالذوق والدل والميش=هواك حل بقلب قاسي وأذابه
مشاعري في جو حبك كما الريش=رمح الهوى مايرحم لقلب صابه
غديت لك بالحب مثل الدراويش=يامن غرامي مع غرامه تشابه
والله ما قصدي صدودٍ وتطنيش=محال عقلي فيك يفقد صوابه
هواك عسكر ناصبين التفاتيش=لو زغت بيت الروح حاصل خرابه
الفكر عن غيرك قفل قفلة الشيش=لاشيء مديته ولا شيء جابه
أحلامنا من طيش في طيش في طيش=تنهش بها الأوجاع نهش الذيابه
كل ماصفا برج الأمل جاه تشويش=والجرح ينزف بالقلوب المصابه
هذا القدر ماضي ولا عنه تنحيش=نحسب حسابه او جهلنا حسابه
لو قلت لك مشغول بتقول لي بأيش؟=سؤال تعرف يا غناتي جوابـه