نجوم اليل
أنا البارح سهرت الليل وأحسـب نجـوم الليـل......على شان الحبيب اللي ماعاد ادري عن اخبـاره
عليـه زادت الافكـار والاوهــام والغربـيـل......وانا محتـار فالدنيـا وغيـري نـاس محتـاره
أظني من بعدهـا زادت جروحـي وزاد الويـل......واظـن اللـي يبشرنـي بخلـي ياخـذ بشـاره
وانا من بعدها ماعاد افرق بيـن عـدل وميـل......هوى روحي ومظنوني عسا الله يسقـي ادريـاه
تراني من بعـد فرقـا وليفـي مابقالـي حيـل......وانا مـا أبـور لكـن الليـال السـود بـواره
ولا ياللي بوصفك ماش مثلك في جميـع الجيـل......على فرقاك انا ماصبر لـو ان النـاس صبـاره
بعد عذبتني وابعدت عنـي بعـد نجـم سهيـل......تـعـرف ان الفـلـك دوار والايـــام دواره
ترى ماعاد باقي غير نركب في ظهـور الخيـل......نجيبك بالغصيبه لـو مسيـرك طـال مشـواره
نسيت اللي مضى بينـي وبينـك مايبـا تحليـل......تخلي صاحبك من كثر صـدك يبـدي اسـراره
لكن ارجـع علينـا لايهمـك كثـر قـال وقيـل......ولو انـك تبـا نرسـل علـى ديرتـك طيـاره
منول ماتصـد وفآخـر الايـام صـرت ابخيـل......ومـن سـوى سواتـك يالحبيـب نعنبـوا داره
يا ابو خدن بوصفه يوم اوصف مثل برق ا لسيل......ترى قلبي بعـد فرقـاك قامـت تشتعـل نـاره
لكن اعجل علينـا يالغضـي ماينفـع التاجيـل......ترى جيتك تسوى كـل شـيً غالـي اسعـاره
نايف الروقي