أسعدكم الله
اليلكم تخاريف شاعر والمعذرة النت الليلة يعل الكبد
لكن استروا ما واجهتم هذا حالنا والله يكون بالعون
اليكم الأبيات
تعنيت ياليل الشقا والعباد رقود=اغز بطيوفٍ(ن)كنها من بنات الجن
اسامر نجومك والمواجع علي تزود=اسج الفكر بالحلم وليا إنتبهت أون
اسامر لحلم الليل يا حظي المقرود=على الفرش كني بن يحمسه حامس بن
بعيني سحاب وبالصدر زلزلة ورعود=عيوني ليا جئت اهجع لمرقدي عين
تبي شوفتك ياللي شغلت الفكر والفود=عيوني جفاها النوم والقلب دوم يحن
على حلمي اللي كان في دنيتي موجود=وحال القدر دونه وسم البعاد العن
ليا من ذكرت إن الأمل صار به مفقود=رحل عن حياتي كل فرحٍ(ن)وضحكة سن
جميع الليالي عقب غيبته صارت سود=من البعد صار الحال يقرع قريع الشن
همومي تزود وسيفها بالحشا محدود=ظروف الزمن لو كَلْ قامت عليه تسن
زماني معقب داخلي من سنين لهود=مواجيع ما تبرا بطيبة وحسن الظن
جميع البدايل دربها بالزمن مسدود=وكل العذارى عن هوى البال ما يغنن
لكن الرجا بالله يرد الغلا ويعود=كريمٍ(ن)بجوده كل ما راد به ممكن
تطيب النفوس ونهتني والعباد رقود=وأعسف طيوفٍ(ن)كنها من بنات الجن