السلام عليكم ورحمة الله وبركاته
أولا : المعذرة عن إنشغالي الأيام اللي راحت
وثانيا: هذه أبيات مجاراة لأبيات راع الصدق في قصيده الرائعة
أيها الحاقد مهلا
وعذرا فقد كتبتها على عجل
ما خاب من معه عزاة(ن)كماكم=الحصن باقي دونه جنود وأسوار
الصرح شامخ والعلو من بناكم=وأهل العشاش عشاشهم راحت غبار
سيروا بعز من الدني ما علاكم=دوسوه بالأقدام سواة صرصار
وش حصل المقرود الا دعاكم=هذا ومثله صح عار على عار
هذا ومثله يا عساهم فداكم=لا يحسبنه حر ماهو من أحرار
عملة رخيصة ما تدسم يداكم=سقيطة(ن)تلقاه من بار في بار
ياهل العقول الناقصة من غباكم=صرتوا عبيد لكل باغي وكفار
صرتوا جنود بليس يومه غواكم=سود الوجيه الوانها كنها القار
الله يقطع وقتنا اللي ربالكم=تسعون للتخريب في كل معمار
سواة سوس الحب تنبش يداكم=ويموت جوف الحب من غير قبار
لا تحسبونا عاد بنذكر غلاكم=لا والذي أنزل كتابه بالأذكار
ما عندنا الا النار تشوي دماكم=والملح والبارود والسيف بتار