أسدكم الله
الأبيات
حاولت انام وغازل الطيف عيني=طيفٍ(ن) ليا من زارني طير النوم
طيف الحبيبة من قديم السنيني=ما غاب عن عيني بليلة ولا يــوم
ماكنه الا صار من ضمن ديني=طيفٍ(ن)كريم وصاحبه منه محروم
يالله يارب الخلايق تعيني=على السهر والشوق يادايم الـدوم
ياعالم بسري وعالم حنيني=يا مقسم الاعمار والرزق مقسوم
تعلم بماهو بين خلي وبيني=اساهر اطياف الغلا وارسم حلوم
احلم وحلمي ما تطوله يديني=لكن عليه افطر من الشوق واصوم
حظي و وقتي قاسية ما تليني=شحت علي بجية الولف ياقوم
أشكي زماني والزمن يشتكيني=وأبكي لحظٍ(ن)منسدح رافض ايقوم
حظي بلاني والهوى مبتليني=لا ذا بيرحمني ولا ذاك بيشوم
الحظ خايب والزمن ما يزيني=والعمر يمضي والعقل مكثر اللوم
ما بين قلبي والعقل يا ضنيني=حيران شاحب لون بالسقم متهوم
لأقدر أجيك ولأنت قادر تجيني=غرامنا من بختنا صار مهزوم
باعد مسافات التلاقي وفيني=حرقة من الأشواق والقلب محموم
حاولت انام وغازل الطيف عيني=طيفٍ(ن) ليا من زارني طير النوم