النـفـس خـضرا و الـنـواهـس طـواريـش
تـلـفـي ضــيــوف و تـسـتـحـل الـسـريــره
واليا عــزمــهـا شـوق سـجًـة مـطـاريش
عـشق الـنـفـوس ايـسـوقـهـا فـالمـسيـره
تـأسـر و تـؤسـر و الـدواعي مــعــاريـش
و بـيـن الـفـضـايـل و الـرذايـل حــصـيــره
ملـفـى لـسـوم و لـوم بـعــض الـدراويـش
الـلًـي مـع الـثـنــتــيـن يـشـعــا مـصــيــره
مـزًاح سـارق و مـتــأبــط مـن الـطــيــش
حـالـه مـع الـتــدقــيــق يــوحـي بــغــيــره
يـظـهـر فـضـيـله و الـرذايــل مـخــاشيـش
وابـلـيـس الـه صـاحـب و فـيـهــا شـويـره
احـدن فـطـن و احــدن بـحالـه مـغـاشيـش
و الـهــيــلــمــه ســوًت لـشــرواه سـيــره
واهـل الـمـجـامـل هـمًـهـم لـقـمـة العـيش
مـن ويـن شـمًـت حــسً جــاتـه مـغـــيــره
تـجـمـعـهـم الـطـمـعـه كما سـافي الـريـش
يــوم الـهــبــوب اصـلــوفـهــا تـسـتـثـيــره
وان كان صـار الفـضـل صـنـو المكاريش
والـديـن و الـحـكــمـه بـهــم مـستـجــيــره
والـبـيـن بـيـن الـبـيـن هـفـوه و تـلـطـيـش
يـكـبـر حـصـيـر ابـلـيـس بـاهـل الجــريـره
ومـا عــاد يـنـفـع ليــت مـع لـو مـع ليـش
أن سـال سـيـل ن و أمـطــرتـنـا مـطــيــره