يا هلا يامرحبا باللـي قليـل(ن) بالتـردد=ماخبرنا واحد(ن)يصبح غريب(ن)في محله
قربوا عيضة نبا نكتب على عيضـة تعهـد=وإن تمادى في غيابه واجب(ن)نطوي سجله

البقـا لـك بالنيابـه يالمرحـب لاتحـدد=جاك عادل مار عيضه ياوسيع العرف خله
لاتغيب واحد(ن) ماهو بضاري بالتصـدد=فاللوازم كلنا نمشي على مذهـب وملـه

مرحبا بك يا وكيل(ن)ما معه صك(ن)ومشهد=مابك قصور ولاني خابـر بعيضـه مذلـه
لا تدافع عن عريف(ن)الطلب فوقه مشـدد=فرضك اللي تعرفه لا حان وقته قوم صلـه

يالذويبي ماقفي ماجنبـه والكـل يشهـد=وأن زعلت من الوفا يرضيك فنجالين دله
لو تحوص يمين ولا يسار ولا لو تمـرد=مانت قادر فالنجوم على راسـك مطلـه

من حضر من غير عزام(ن)على دربه يعود=ومن تعرض دون غيره جاته الضربه بقله
أنت تدري ماني بسافل ولا حـب المقـرد=والنجوم ليا طلع نور القمر خشـت بظلـه

كان هذا سلـم جـدك يالذويبـي لاتسنـد=اثر عيضه يوم قفا شاف في مبناك خلـه
والله اني ماعليه من خصيمي لـو يعنـد=جاك دكتور(ن) يداوي كل جرح وكل عله

ما رضيتك قاضي الدعوة ولنـت منشـد=خلها للي يعـرف الصائبـة والمستخلـه
قصرها خلك على حشمة وحاسب لا تزود=يا طبيب(ن)داو جرحك فزعتك ماهي بلله