ياعلي كل(ن)على عد الروى يورد حصانه=ان شرب وان ماشرب رده ورى مقلع طمية
انت رجال(فهيم)ولا صريت من الشطانة=من شطانتك القوافل جندت لاجلك سرية

صاحبي فواز ياهل المعرفه حاكم زمانه= يضرب الامثال من زود الفكر مافيه زيه!!
يعلم الله مانحب اهل المخادع واللعانه= وانت يافواز من لاشي لاتعمل قضيه!!

منهو اللي ياعميلي متهمكم بالخيانة=يعلم الله ماتجيكم تهمة(ن)منا خطية
الحكومة لو تبا تعطيك يالطيب حصانة=كان ماخلتك لا هالحين مجهول الهوية

والله النا ساسنا طيب واهل ذمه وامانه=كيف تنشدني وتتهمني؟؟ وترميها عليه!!
الرجل يجلس مع اطيب منه وحصانه لسانه=لاتسمع فالرخوم وذمتي منهم بريه!!

ساسكم معروف والكم عندنا قدر ومكانة=لا تجاوب وانت ماحطيت معدال الدعية
الدروب مراقبة بجهاز مأمور الصيانة=تكشف اللي ياعلي من دون حد الجاذبية

ماعلاكم زود كلاً معتلي قدره وشانه=لاتضيعك الهقاوي بين هاذيه وذيه!!
انت يافواز لاتقعد تعيد الاسطوانه= الهواء ماهد برج المملكه والفيصليه!!

احسب انك تعتذر والقا فمنطوقك ليانة=واثرك اللي من عناده يجزي الحسنة بسية
مانباك تصير في حلق العرب مثل اللبانة=وانت لك عدة سوابق فالعصور الجاهلية

ابتلشانا فالعجم ماتفهم الا بالرطانه= غير الموضوع يارع الحروف الابجديه!!
انت ماتجهل علي والناس ماهزو كيانه=مايهمه قوم قال وقيل وعزومه قويه!!

مانفكك لين شيخ المحكمة يصدر بيانه=بعد ماشفتك تقلب بين شمس وبين فيه
اعرفك لو تستلم معزى دخيل الله وضانه=لو ثلاث ايام ضيعت المفلى والرعية

دودي الفايد هو المسؤل عن مقتل ديانه=والشرف في حب قيس وحب ليلى العامريه!!
والحقيقه واليقين اليا بغيته مع جهانه=اترك اعلوم الضعوف اللي تجيب المنقديه!!