قصيدة راقت لي اهديها لكم
قالت :وهي تلبس على رأسها الشـــال=
ممكن تســمــعـــني قـــوافي جديــــده ؟!!!!=
قلت : القصايــد توها جت على البال=
تخـيـري واللـي تبيــــنـــه نعــــيده=
شافت وقالــت ، كلـــها أجنان وهـبـال=
لـكــن مافـــيها مـن اللـي اريـده!!!!=
قلت أمري : قالت أبي وصـف وخيـــال=
بلاش هـــــمّ وحُزن وانا سعــيــده=
تمتمـت بحروف وتظاهـــرت بسـعال=
ودي اقول الحــــزن لانك بعيـده=
قلت أبشري أغيـــر القاف في الحال=
وتكـوني أول من وصفت بقصيده=
وأكتب لك أجمل بيت في شعري انقـال=
واطـوع ابياتي ولـو هـي عنيده=
يامن على كتفك بقايا الشعر مال=
ويامن وصوفك بالخلايق فـريـده=
الله خلقـك وجمـل الخد بالخال=
واعطاك خير أوصاف جت في عبيـده=
طول، ووسامه ، جسم ، والرمـش قتال=
وأوصاف لـو بعـدها لك عديده=
ولبّستي السنه بحبـة كـريسـتال=
ملكـتي الجمال، وفوق عرشك وحـيده=
قالت كثيره : قلـت ما جيـت الافعال=
لـو بــوصف افعالك يبي لي جريـده=
ضحكـت وهي ترخــي على وجهها الشال=
قالت فديـتـك هذي اجمـل قصـيــده=
.. .. ..
مما راق لي
أتمنى تعجبكم