كالعادة بدون مقدمات
اليكم الأبيات
أتلفتي أعصابي بكثر المواعيد=كل ما تلاشى موعد جد ثاني
وتعود تحلف لي وأصدقك وتعيد=ما مرني وإياك بأول زماني
وليا شكيت من الألم قلت بزيد=اللي تحسه من وجع ما كفاني
وليا صرخت وقلت لك بس ماريد=خدرتني وأنسيتني في ثواني
وأعود لك مولود مثل المواليد=أركض ورا حلم طفولي غزاني
وأحسبك مثلي تنتظر بهجة العيد=لأجل تبادلني جميل التهاني
يغرد لك الخفاق بالصدر تغريد=ياما إفتكرك ومن جنونه نساني
وياما على شانك هجرت الأجاويد=بعدتهم وأسكنتك أنت بعياني
وياما على شانك جذبت التناهيد=اليا عجز فكري يحرك لساني
وباللحظة اللي قلت لي أبعد بيعيد=ضيعت فيها حكمتي مع بياني
حيدتني عن حلم الأيام تحييد=طارت بك الأوهام وأنا بمكاني
أضمد جروحي بنظم الأنشايد=بعد الفرح صارت تصور حزاني
لكن أنا برميك في شاسع البيد=حتى تعاني مثل ماني بعاني
ليا كدتني مرة فنا ناوي أكيد=والله مرحم صاحبي لا كواني
حتى يجيني محترم للمواعيد=ما يخلف الميعاد في يوم ثاني