احى قصائد السفر بديتها على متن الطائرة
ونهايتها هنا بين أيديكم
فوق هام السحب رافقت الحسان=بينهن اللي تشابه للمهاه
كنها لامن تثنت خيزران=يا حلاة العود والله يا حـلاه
من نظرت عيونها جاني جنان=تهت فيها والشعر والفكر تاه
قلت مرحب ياهلا بدر الزمان=قالت اهلا ومنعه بعض حياه
قلت انا لي مطلبن بنت الحصان=قالت ابشر كان يمدينا علاه
قلت هين والجميلة ما تهان=ياغصين البان مدري ياكماه
ياخوي الجنب ياعذب الثمان=يا رقيق العود يا حلو الشفاه
لا وصلنا بالسفر بر الامان=احذفي عن مبسمك طوق النجاة
خلي الشاعر يبدع بالبيان=مبسمك للشعر والشاعر حياه
قالت أنته ما تدرست القرآن=لو درسته ما جهلت لمحتواه
قلت قلبي كان صخر ودوب لان=حين شافك كل ممنوعٍ(ن)نساه
قالت أنت إنسان وإلا جنس جان=كيف تقدر تنسي المؤمن تقاه
قلت مدري قالت اسمع يا فلان=الذكي معروف ما يبغا وصاه
شوف حولك كم حسود وكم عيان=ترصدك وأنته نبيه ومن دهاه
قلت والحل يا خبيرة بالحنان=قالت اصبر واترك الحب وغثاه
قلت مقدر والذي قد كان كان=خافقي يا بنت عاصي في هواه
قالت آه وقلت وش بك قالت آن=آن كل اللي خشيته ويلتاه
قلت لا بالله نصيبك ساع حان=قالت أجل راضية باللي رضاه
قلت دوب الحظ يا مملوح زان=إنشرح صدري وردك مبتغاه
يا شبيه الريم تكسب للرهان=شاعرك كل اللي عرف قبلك محاه
بصمتك بالقلب تبصيمة بنان=باقية بالقلب وأنتِ(ي)محتواه
فوق هام السحب ياست الحسان=أنتِ(ي) اللي نظرتك نظرة مهاه