تعرفت باللي ودها تفترسني فرس=
تحسب إنها بالكون ما أحد ٍ ينافسها=
تقول إنها تعلم وتفهم بعلم النفس=
وهي عاجزة عن نفسها كيف تدرسها=
الا ليتها تدرك حدود الفهم والدرس=
وتقصر ثقافتها لمهنة تمارسها=
قبل لا تعفس العلم باللي تقوله عفس=
أنا قبلها دنياي حافظ مدارسها=
تعلمت علم ٍ ما تعرفه غرسته غرس=
بقلبي وعقلي كل دنياي غارسها=
لكن الغرور ليا طغى فوق راع النعس=
ينسيه كحلة عينة وحلو نعسها=
على الهون ياللي تحسبنك ملكت الأنس=
ترفق بنفسك دور اللي يونسها=
ليا كنت ماني معجبك ما بها من دس=
انا ماني براعي سوالف يدسسها=
وانا ماني اللي يلتبس في زمانه مرس=
ثيابي جداد وبالنظامة ممرسها=
أسولف على قد السوالف بصوت وهمس=
وأجنب عن اللي ما تجمل مجالسها=
محافظ على ديني وحافظ فروض ٍ خمس=
وكف ٍ تشيل الكبر مناي مخامسها=
ومن شاف نفسه فوق عني بقل له طس=
ولن كان ما طاوع خدوده بطسسها=
ياقافي تجمل وقف ولا تزيد الحمس=
قبل شايفة للنفس بالنار نحمسها=
تنقدت باللي ودها تفترسني فرس=
تحسب إنها بالكون ما أحد ٍ ينافسها=