كل العيون اللي تبي نوم نامت=الا عيوني ما تبي لذة النوم
من بعد غاب اللي به الروح هامت=ما عاد ابي راحة بليلٍ(ن)ولا يوم
النفس عن غيره من البيض شامت=أخذ الهنا وإياه والرزق مقسوم
وأنا خذيت أحلام فيني تنامت=كبرت مع الأيام والزين ما يـدوم
ما باقي إلا ذكرياتٍ(ن)تلامت=قدام عين الفكر ترميه بسهوم
أطياف خلي قدم عيني ترامت=حياك ياريحة معزز ومحشوم
صابت عيوني بالسهر وإستدامت=خلف الجفون وطيف الأحباب مرسوم
فوق المشاعر راسمه واستقامت=للحب والأشواق في صحو وحلوم
في بحر حبه غالي الروح عامت=أسبح مع الأطياف والقصد معلوم
بساهرك يا أطياف بالفكر حامت=وأون ون اللي معنا و مهموم
دام المواجع في حشا النفس دامت=بقضي بقيا العمر شاكي ومحموم
النفس عن لذاتها غصب صامت=لو كان مابه فائدة من هذا الصوم
كل العيون اللي تبي نوم نامت=الا عيوني ما تبي لذة النوم