للتواصل
الأبيات كما جات كيبوردية
أكره برود الشوق جد ومزوحي=مهما تفرق بالعروق يتجمع
أنا غرامي كان تبغي فروحي=يامن على عرش المشاعر تربع
شبي على قلبي وزيدي جروحي=لا تأخذك رحمة بقلب المولع
اطعن برمشٍ(ن)يا غرامي ذبوحي=والطف بحالي لا غديت أتجزع
ضم الفؤاد وضم سري وبوحي=وأسكن شراييني وفيها توزع
قسم دلالك بين ضحكي ونوحي=بين القسا واللين أمر تدلع
خلك كريم وفيك بعض الشحوحي=وليا سألتك جود كنك تمنع
وليا هدا شوقي وخفت النزوحي=حرك براكين الغرام وتمتع
هز السحاب برعد برقه يلوحي=من مبسمك يافاتني لا تورع
خل القلوب تعيش بعد القروحي=داو الجروح بشهد والشهد ينفع
ازرع صحاري دنيتي قبل أروحي=واقطف ورود الحب بالذوق وازرع
ازرع مطامن لوعتي والسفوحي=وأشرب هنا من صافي الود وأروع
هذا غرامي جد ماهو مزوحي=مهما تفرق بالعروق يتجمع