سلام مني يا بعد كل من لي=يا من بحبك طول الأيام ما امل
يهواك كلي ويتمناك كلي=كنت أتمنى شوفتك قبل ترحل
زرت الديار وشوفكم ما حصل لي=عجزت أنا وإياك نلقى لنا حل
وشلون بصبر كم سنة وأنت خلي=إن طول غيابك ترى العقل يختل
كنت أتمنى قبل ترحل تقل لي=متى انتقابل ودنا نقهر الكل
وكنت أتمنى تزورني في محلي=وأفرش لدربك ورد وأكسيك بالفل
كنت أتمنى تكون لي مثل ظلي=ما نفترق يا زين ترحال وبحل
وكنت أتمنى تكون لي مثل عقلي=كل ما صعب شيءٍ(ن)على قلبي تحل
يا ريحة الأزهار وردٍ(ن)وفلي=من دون أجامل أنت في عيني أجمل
أجمل من البيض الحسان متعلي=ما فيه مثلك في عيوني ولا خل
ولا أظن مثلك يعشقه غير مثلي=حيثك على ما قيل كامل مكمل
يابعد نبضي يا بعد كل من لي=يا من بحبك طول الأيام ما امل
سلام مني يا بعد كل من لي=يا من بحبك طول الأيام ما امل