يا سلام الله سلام حرام بلا حلال=فوق فواز الثبيتي سحابه خيلي
ودي إنه يشربه وقع في وقت الخيال=وإن حداه الوقع يصبر لعله ينجلي

مرحبا رحب(ن)يقدم لجابر بالعقال=لين من زود الكرامة يلقيه الخلي
الخيال اللي نشوفه على روس الجبال=لا سقى ضامي ولا قض صخرة من علي

ما يشيل الحمل ياصاحبي غار الجمال=وإن حداك الوقت يفداك سيفي وجملي
يا رفيقي لا تمد اليمين مع الشمال=وحده يا صاحبي بالزمان تجملي

احمد الله وارث العرف من عم(ن) وخال=وانت ليتك تقدر اللي علاك محملي
انت خابرني من القوم ذرفين السبال=لا تحسب ان المحايل علانا تنطلي

لا تقربها قريب ترى هذا محال=الهدف ماهو عتيبي ولاهو من بلي
لا تناظر للجنوبي وعاين بالشمال=عل عينك ياوسيع النواظر تمتلي

الاجابة يارفيقي على قد السوال=والعتيبي عن ردي المعاني معتلي
انجبرنا نلتفت للحقيقة والخيال=لو بعض اصحابكم للنظر مايحملي

كيف أصدق يصبح البحر للشارب زلال=الحقيقه صارت اليوم فلم يمثلي
الجزيرة كل يوم تعرض الاغتيال=شوف بعيونك لهايب ونار تصطلي

المحطة خلت المالحة فافضل حوال=والعدود الراهية ماتوردها الدلي
والله ان مارضينا بكل اللي يقال=مار هاذي دبرة الي على خلقه ولي

عاد يا فواز انا ناوي اعطيك المجال=اذبح التيس الفحل بعد قام يبلبلي
لا بقا له تالية ما نبا عاد الصخال=الجدي ما فرعنه لين خادن للطلي

فكني من ذبحته لو بخمس امية ريال=وكل اللي فالبلد كل ليل يهللي
انت لا تبني مقرك على جرف(ن) هيال=شوم عن درب(ن) بقوم الجهالة مبلتي

البعير أهيم نقط قطب في جوف الطحال=طالت الدعوة نبا حل بس يجملي
وإن تركناها تراها مثل دور المحال=كل يوم يجيب حل جديد يفشلي

اعزله لا يعدي شعيل محمود الخصال=وان نحرته قسمه من ورى هضبة حلي
اقفلوا باب(ن) يجيب المشاكل والجدال=خل بعض الخلق من غيضها تغلي غلي

لو نحرته دمه أقشر ينجس للنعال=وإن تركته قالوا الناس ليش معزلي
لقمة بالحلق ما تنبلع ود وتعال=وإن بغيت أدفها خفت منك تولولي

الدواء بالصبر لو تصبر ايام وليال=واطلب الله في محاسن عملكم وعملي
دفها مالي ولا لك وراها راس مال=والسعد والخير يم القوافل مقبلي