كفخت بجناح السهر لين مليت=
وحطيت راسي فوق جمر المخده=
جتني هواجيسي تقل جيش عفريت=
مع سكة الذكرى علي مجرهده=
ذكرى سنيني زاحت النوم وأزريت=
اهدي لونة شقا مستبده=
من دون رغبة قمت غصبا وهليت=
بأفكاري اللي جاتني مستعده=
قربت بنزين الهوى جنب كبريت=
قصيدي اللي شب نار المكده=
صبيت من همي على نارها زيت=
أنستني الحسرة زمان الموده=
قمت أنقش الأبيات من عل لا ليت=
أبني لبيت وبيت من ضيق اهده=
من حر مابي صرت ما دقق البيت=
حتى قصيدي صرت ياليل ضده=
ذكرت لأيام تعدت و ونيت=
ونة عزيز ٍ(ن)ما يبيح لسده=
ليت الليالي وقفت وقت ظليت=
اسهر ولا أفكر بضيقة وشده=
لكن ليال العمر قفت وقفيت=
واللي مضي صعب ٍ(ن)علي أسترده=
كفخت بجناح السهر لين مليت=
وحطيت راسي فوق جمر المخده=