اقتباس :
المشاركة الأصلية كتبت بواسطة عثمان الثبيتي
[ مشاهدة المشاركة ]
|
السلام عليكم هذا ردي على قصيدة الاستاذ بن هليل الوارده على هالرابط
http://www.alqwafel.com/vb/showthrea...130#post158130
يالشاعراللي قام يومي شليله=كنه بباكورً من الجن مخبوط
اناسموي فوق مزن المخيله=اللي ينظف ظهرها كل مخلوط
والبارق اللي ندعينك تخيله=صوت ارعده تراه من ضربة السوط
معروف راع الهينه والجزيله= وعطا البخيل ان صار ماهو بمصفوط
عسلك مانبغاه لكن شيله = والله ما اذوقه جوفه السم منقوط
ماني خبل تضحك عليه بحيله=الصقرماوقع على عش شبوط
والجم ما تغطاعليه النثيله=وسبت اليهود انتج ثمانين مسخوط
دارالثلاثه كم قضوا فيه ليله= تراك رابعهم بلا هرج مغلوط
الشارع اللي كل ساعة تجيله=كنك باحد عمدان اضاءته مربوط
مايستويلك وانت ماتستويله=اسمع ترى صوتي ماهو عنك مغطوط
ماقلت الك تبدي بريع الفشيله=وراسك من الحلتيت ماهو بمصعوط
|
مافيك حيلة يا عثمان
لكن بفطر بك مع هذا الصباح المبارك والله يغفر لي ويغفر لك
الذيب وش به صار مختش ذيله=أخر زمن ياذيب تشبه لغطغوط
والصقر عود مثل طير البقيله=حتى العتيبي قلد العبد بالفوط
إنشد ولد مرزوق وشطول ليله=كم ليلة سامر من الطير بطوط
العز ياعثمان سمرا طويله=الضيف ماتكره مجيه ومنشوط
لو ذقت تمر رهاط تعرف سليله=لكن غشيم من العبط صرت معبوط
رباح يلعب بك وتتبع جفيله=والعبد ما وده تقرب من الروط
ضيعت نفسك بالعدس والبليله=ياشاعرٍ(ن)مايفرق القاق والطوط
البيت ثوبه بالحرم ننحنيله=إلا أنت ياعثمان بالعقل مجلوط
سواد لون البيت مثل الكحيله=لكن بلاك الجهل عاجز ومحبوط
ياذا الحصان اللي من أول صهيله=اليوم بالمربض على الأرض جفوط
مالله كتب لك بالجمايل جميله=ثوب الفقر فوقك من سنين مخيوط
ليت الغناوي يلحقك في سبيله=وياشين وقفة موترٍ(ن)ماله جنوط