السلام عليكم ورحمة الله وبركاته
أسعد الله أوقاتكم بكل خير
وبارك الله لكم بصيام عاشورا
واليكم الأبيات على عجل علها تروق لكم
ليت المسافة تنطوي طي سجاد=لأجل نقرب حي يا بعد داره
اللي قدح في داخل الجوف وقاد=والنار بأولها بقدحة شراره
كنا نتمازح بأول الأمر لا عاد=مزح(ن)يعقب بالمشاعر مراره
من كلمة لكلمة قديمات وجداد=منها بدينا والعلاقة شطاره
ما بين حاضرنا لهذيك الأمجاد=نتجرع الأمال بعد الخساره
مر(ن)تذكرني ببو زيد وزياد=أيام عز أجدادنا بالأماره
ومر(ن)أذكرها بحلوات الأعياد=قدام لا نعرف جواز وسفاره
أيام كنا قوم ولساننا الضاد=والروس مليانة طموح ونعاره
ذاك الزمان الحلو في عهد الأجداد=أيام كان الهم عز الوقاره
واليوم شوف الحال في عهد الأحفاد=الثوب ما نقوى نسكر زراره
من مغرب الأمة ليا حد بغداد=صرنا عبيد الغرب مدري تجاره
بعد زرع ما بيننا غل وأحقاد=تكارهوا الناس في كل حاره
من يجمع الأشتات ويلم الأضداد=الثور غبر واندفن في غباره
كل(ن)يشوف إنه كما ولد شداد=حتى لو إنه ما يجود .....
قالوه نار وخلفت بعدها ارماد=هين بجوف الأرض سهل إندثاره