أنا ما كنت أبي عطرك . و لأني للخطأ عشــقان =انا ما كنت أبي إلا أحس انك تحبـــيــــــنــــي
وهبتك أجمل إحساسي و جيت من الوله عطشان =لقيتك يا بعد عمري حسافه ما تحســـــيــنـي
كتبتك أعذب حروفي (قصيده) وزنها ديــــوان =قريتيها .. رميتيها . ابد ما كنها سنيـــــــــنـي
تجين من الفجر كذبه وعيـنـك تخـــفي العـنوان =واشوفك في سواد الليل على الكذبه تمســيني
أنا جابتني الصدفه وهذي منة الرحــمـــــــــــن =اشوفـك تصفي لغيري صفات اللي وصفـتـيني
حبيبي يكفي أسلوبك أنا يكفيني البرهــــــــــان =انا ما اصدق ليـش. ولكن شــافـتــك عـــــيـني
سكت وداخلي صرخه تردد صمتها الجــدران =حســـافه طاوعك قلبك بلا ذنبٍ تـبـيعـيــــــــــني
ألومك . مــا ألومك . لا ألــومـه وقتي الخوان =عطيــتك ألف معنى حــب.... وهذا اللي تجازيني
أنــا مـا أملك إلا قـلب . لكن للأسف تعــبــــان =كفاني منبع الأحزان تفجر به شرايـيــــــــنـي
أحبك؟!. ليه أحبك ليه واتوه بعالمي حيــران =واشوف الناس من حولك تشوفيهم وتنسيــنـي
أحاول أكرهك لكن فؤادي ما كـــره إنســـان =غريبه كيف هذا القلب يحب اللي جـــرح فــيني
حبيبي داخلي كلمه عساها تشفي الوجـــدان =حبيبي ما أقول إلا . حـــــرام انك عرفـتـيني
منقول