أسعدكم الله
أبيات أداء واجب عشان ما تزعل جنية الشعر مرجانة
علها تروق للإنس ... بشوف منهو يكون السباق بالإعجاب
ياقريب الروح مبعد بالديار=الفكر والقلب فيني ما نساك
أطول الساعات ساعات إنتظار=تحرق لوجدان حالم في لقاك
أطول الأعمار عمرٍ(ن)في عسار=وأقصر الأعمار ساعاتٍ(ن)معاك
أجمل اللحظات لحظات إنبهار=لا تخيلت المحاسن في بهاك
يا رفيق النبض في ليل ونهار=رغم عيني يا عشيري ما تراك
المشاعر بين شمس وبين نار=تقضي الأيام ترقب في حراك
طيفك الساري لها صاير مزار=عند ما تسكن يناديها هواك
كل ما حاولت أزود لإصطبار=صرت أنا وأيا المشاعر في عراك
كيف أجيب لصبر مابي إقتدار=يا فؤادٍ(ن)بالهوى ربي بلاك
ما بقا لي حيلةٍ(ن)غير الإنتحار=او تموت وتترك الدنيا وراك
حبك أقسى من قنابل قندهار=يا وليفٍ(ن)ماهوى قلبي سواك
عمق حبك بحر ماله من قرار=غاص به قلبي ولا خاف الهلاك
ياشبيه اللول بقلوب المحار=باع قلبي ناس ياما وإشتراك
لو حسبت حساب لوعات إنكسار=ما وهبتك خافقي يا أغلى ملاك
العمر واحد ولا غيره عمار=سو به ما يسعدك كلي فداك
ما لنا يا بعد عمري من خيار=المشاعر والشعر تحكي غلاك
القصائد للهوى زود إعتبار=هي كواكب عشق تلمع في سماك
ترسم الإحساس شوقٍ(ن)وإعتذار=في قوافي شاعرٍ(ن)عاشق رضاك
ياقريب الروح مبعد بالديار=الفكر والقلب فيني ما نساك