أسعدكم الله
لحظات الإنتظار ثقيلة حتى لو هي قليلة
اليكم الأبيات
الليل كله ماسك الجوال=أنطر مسجاته ودقاته
ما جاب لا رنة ولا مرسال=والصدر ما وقف لزفراته
من ساعة لساعة وليلي طال=أطول من البرزخ على أمواته
فات الوعد والليل شال الشال=عن وجه صبحٍ(ن)زاح نجماته
ما جيتني يا لابس السلسال=ترحم لقلبٍ(ن)زاد نبضاته
مدري كسل وإلا حدتك أحوال=تمنعك عن ليلي ولذاته
وإلا نسيت وما خطر بالبال=ليل الوعد شاعرك ما باته
الليل كله يسحب الموال=وليا انتهي يسحب لوناته
لا من ذكر للبعد والأميال=وأيام عمرٍ(ن)بالزمن فاته
بكى على حظه بعد ما مال=قطر العمر بأخر محطاته
اليأس هم وحمل ما ينشال=حتى القصيد يخرب أبياته
يذبح على ما قيل للرجال=خفيةٍ(ن)بالجوف طعناته
الليل كله ماسك الجوال=أنطر مسجاته ودقاته