الله ياني كنت طيب ونيات
واحب كل الناس من دون تفريق
واشيل هم الغير واسير بسكات
واشوف ذا الهم غرّق الحال تغريق
ولاشكيت ولاتعبتني المشقات
واقول يالله دايم اكون من السوابيق
بس ماهقيت تجي منك بذات
كل الطعون تهون ولا طعنة صديق
ياهي حسافه على الذي فات
وماينفع الي فات الفكر و الضيق
لوجات من غيرك كانت سلامات
بس منك ياهي زادت الجرح تعميق
الرجل وقفه وهي دوم اثبات
ولوكنت غلطان على ربي التوافيق
ربي وعالم بالنواياوالخفيات
وماكان قصدي بهذا القول تسويق
بس كنت حاسبها بطيبه ونيات
والي حصلي فوّق العقل تفويق
في ذا الزمان الطيب قد مات
ومن يفعله مسكين واهبل وتعليق
حتى الأخو ماتلقى منه وقفات
يخلقلك الأعذار لك دوم تخليق
ماعاد الاّ وشلي بكسبه هات
وش صار ياناس ياعالم يامخاليق
يرحم زمان أول وذيك الاوقات
اهل القلوب الصافيه دون تمليق
ناس لفعل الطيب دايم علامات
ولافعالهم نحكي ونسمع بتشويق
ذاك الزمان الي تمنيت لحظات
اعيش فيه الصدق دون تزويق
راجع حساباتك دامك فالبدايات
وكم صاحب لك يحتاج تدقيق
نصيحتي للي ضيع العمر فزعات
اسمع قصيدة الطيبة على الريق