السلام عليكم ورحمة الله وبركاته
أسعد الله أوقاتكم بكل خير
واليكم الأبيات بدون مقدمات
ناس تدور رفعة الأسم والصيت=وناس تدور للدبش والجوايز
ناس تهد الضلع مثل العفاريت=وناس تعاملها بلز اللزايز
ناس تعقب فعل يا كيت من كيت=وناس تدور للبنات البلايز
وأنا وربعي كلنا الحي والميت=ما نعبد الدرهم ولم البرايز
الأصل ثابت والعوارف من ثبيت=الكل منا طول الأزمان فايز
البيت مبني والمناعير بالبيت=والبيت ما يبنى بليا ركايز
الطيب فينا والكرم ما تماديت=غريزة من ضمن باق الغرايز
ما يهمني ما خذت يهم ماعطيت=عند اللزوم نقوم لا كنت عايز
وياما مع الأيام أخذت وأبليت=ناخذ ونعطي كل ما كان جايز
لو قسيت الأيام ما قلت كليت=والا إستعنت لحاجتي بالعجايز
يهمني الأسم لا من تعزويت=ربعي ثبيت مكثرين الجنايز
مثل السباع إن كان قبلت وأقفيت=على النقا ما يحسبون الدزايز
أدعي لهم بالعز لصبحت وأمسيت=يبقون مثل النو لا جاك حايز
لا دق رعاده حصل ما تمنيت=يسيل سيله لين يغطا قفايز