الأبيات بدون مقدمات
أخطيت فوقي ياكثير المعاريف=ليت الغلط جاني من انسان ثاني
ما كان ضاق الصدر يا حيف يا حيف=ظنك بقلبي يا وليفي كواني
حكمت فوقي حكم ما فيه تنصيف=قاضي وصاحب حق في كل واني
تحكم بدون شهود ويمين تحليف=وش ذا العدل ياصاحبي يا فلاني
نسيت صحبتنا بكل المواقيف=نسفتها باليم بأربع ثواني
قدام تسمع حجتي وش حصل كيف؟=بنتيت سدٍ(ن)بيننا وتحداني
على القطيعة والدلايل تخاريف=ما فيه شيء تشاهده بالعياني
رميتني بالموج مالي مجاديف=حسبي على حظٍ(ن)بموجك رماني
وشلون بسبح والسواعد مكاتيف=هذا ورب البيت عين الجناني
لولاك عاقل قلت:شيخ الملاقيف=غرف بكفه من شقاه وسقاني
ما عاد لي حيلة ولا فيه تصريف=اللي شربته من زماني رواني
كيفت من وقتي ولا عاد أبي كيف=مشكور يا حظي وشكر لزماني
الحال ما يزداد كلفة وتكليف=والعمر مسرع والمشاعر تعاني
ما عدت بقوى للصبر والتواصيف=كافي من الأيام ما كان جاني
أيامنا فينا مثل سلة السيف=تقطع وترمي بالخفا والبياني
ما باقي إلا هيكلي والتصانيف=الله يستر من حصايد لساني
أخطيت فوقي ياكثير المعاريف=ليت الغلط جاني من انسان ثاني