وجدت قصيدة للشاعر الشيخ فارس
أبو عادل
على الرابط التالي بقسم قصائد الأعضاء
http://www.alqwafel.com/vb/showthread.php?t=18242
وهذه مجاراتي له علها يروق لكم
هوجاس نزفك للظوامي مواريد=وكل ظامية لا بد تارد لميراد
الشعر لا من جاك طالب لتجديد=لبسه من فكرك طواريقٍ(ن)جداد
إطلق عنانه لا تقيده تقييد=الحر ما ينذل يا كود بقياد
إشرب صفاه وقدمه للأجاويد=ترى حلاة الشعر للفكر لن جاد
الشعر ديوان العرب والصناديد=سجل لهم في ماضي الوقت الأمجاد
يملك قلوب الغيد لن قيل للغيد=يلهب مشاعرهن كما لهب وقاد
يرفع لروس أقوام كانت على البيد=ويرخي لروس أقوام وسيوفه حداد
الشعر نزف إحساس فرح ولواهيد=يجي على الميعاد وبدون ميعاد
ياعاشقٍ(ن)للصيد لا تترك الصيد=ما كل قناصٍ(ن)ولو قال صياد
ترى الصقور تحب طرد المطاريد=طيرٍ(ن)بلا مخلاب لو طار ما فاد
هوجاس نزفك للظوامي مواريد=وكل ظامية لا بد تارد لميراد