أسعد الله أوقاتكم بالخير

تـخيَّري يـاهجوسي فـي لحون القصيد
واخـتاري الـلي يـصفي خـاطر ٍ مـا صفا
الـليلة الـصدر فـيه مـن الـطواري جديد
تـلعب بـقلبي وعـقلي والـصبر مـا كـفى
قـمـت اتـوجـد لـكـن الـوجـد عـيا يـفيد
وامـضيت لـيلي ورمـشي سـاهر ٍ ماغفا
عـلـى فـراش الـسهر مـابين نـار وجـليد
سرتني أحلام ليلي صوب وصل وجفى
ونـيـت ونــة اسـيـر ٍ مـافزع لـه عـضيد
تـبـين الـلـي بـقـلبي عــن عـدوي خـفى
أواه يـالـيـت يــقـرب كــل غـالـي بـعـيد
يـرتاح قـلبي وأنـام بـحضن حلو الدفى
مـاكان تـعبت عـيوني مـن سـهر مايفيد
ولا كــان حـلو الأمـاني اسـتدارت قـفى
قــانـون غــبـر الـلـيالي مـاتـهني سـعـيد
لابــد مــن يــوم يـطـرد غـدرهـا لـلوفى
حارت هجوسي بحالي فيه مليون قيد
مـابين حـاضر ومـاضي فـي زمن ماعفا
مـاجـابت الـلـي أريــد وجـالـها مـاتـريد
وأمضيت ليلي وجمر بخاطري ما طفى

ⒿⒶⒷⒺⓇ