حيا الله اللي كلها ذوق واخلاق
حيا الله اللي كلها ذوق واخلاق = اللي بغيبتها يزيد اغترابي
طلتك عندي تشبه لشمس الاشراق = يا زين لم الشمل بعد الغيابي
حبيبتي البعد والله ما ينطاق = عانيت في بعدك صنوف العذابي
الكون كله في عيوني ترى ضاق = ولا عاد ينهاني طعام وشرابي
مشتاق لك والقلب ينبض با الاشواق = امشي مع العالم مضيع صوابي
الله لا يكتب بعد ما جيتي فراق = بشوفتك زال الهم والجرح طابي
ونبقى على طول الزمن خير عشاق = واحلامنا توصل لحد السحابي