جبت لكم اليوم قصيدة مجهولة الشاعر
علها تروق لكم
ليه الهجر والصد منك بلا اسباب=هاتي سبب واحد من اسباب صدك
وان كان قصدك بالهجر قفلت الباب=فتذكري قلب(ن)من الحب مدك
وان كان هجرك دلعنه حب لاحباب=فكافي دلع ارجوك ياروحي سدك
في غيبتك سوى الفرح عني اضراب=اصارع احزاني مع هموم غدك
كنت احسب ليومي من اول كم حساب=والحين كل اليوم وانا اعدك
اعد كلماتك ونظرات الاهداب=واعد بسماتك ودمعات خدك
حبك ذهاب وشايله منه الاياب=يعني انا عندك ولاني بعندك
رحلت في ديره غرامك وانا شاب=وشيبت في ديره غرامك ماشدك
لانتي رحمتي خافق(ن)فيك منصاب=ولاني قدرت انساك والى اهدك
كنت اكتب التايه لقب ضمن الالقاب=واثري انا التايه في جزرك ومدك
من بعد ماكنا انا وانتي اقراب=رحتي وانا عاجز ولا اقدر اردك
ابعترفلك ياغلى كل الاحباب=في الحب انا والله ماني بقدك
يعني تعالي وافتحي درفه الباب=كافي بغيت اموت من طول صدك
مما راق لي..