ياهاجسـي زين الفكرة تراني م اريد=
اللي تكرر مع العربان في ذا الفلك=

انا ذكـرت القــريب اللي دياره بعيد=
اللي ملك للمشاعر والفؤاد إنهـلك=

برق الٲماني سرى بي في عيون القصيد=
كنه فلاش المصور في حضور الملك=

قمت أتوجد ودمي يشتعل بالوريد=
وأنفاس صدري سموم وليل حلم حلك=

البعد قيده شديد وصمت حظي شديد=
ملك عذاب المشاعر والهنا ماملك=

كني على صاج يصلى فوق جمر ٍ وقيد=
عزاه ياقلبي اللي هالزمن بهذلك=

أعيش بين العرب لكن كني وحيد=
ياقلبي أحرمك حظي من غرام ٍ الك=

جربت حظي سنين وكن بالحظ قيد=
حلم ٍ حلمته ياقلبي منثبر ماسلك=

العمر يركض وبنك الحظ خالي رصيد=
والهاجس اللي سرى بي بالسهر سلسلك=

أسهر وأسلي خواطر وحدتي بالنشيد=
والمعذرة كان قاف الشعر ما جملك=

ياقلبي اصبر ترى صبر الرزانة مفيد=
سبحان من هو بفضله بالعقل كملك=

ياهاجسـي زين الفكرة تراني م اريد=
اللي تكرر مع العربان في ذا الفلك=