أسعدكم الله أينما كنتم
الأبيات بدون مقدمات
ياللي تراقب من خلاف الكواليس=تقرأ قصيدي ما تغشك عيونك
كتبتها بالنت في صفحة الفيس=كرمان لعيونك قصيدي زبونك
ما كني إلا بالزمن للهوى قيس=وأنتي مثل ليلى بذوقك ولونك
هواك عقب في خفوقي وساويس=أخاف ناسك لو دروا يمنعوتك
تلعب بفكري يا غلاي الهواجيس=من خوف حساد البشر يحسدونك
وأخاف من ناسٍ(ن)سواة الدبابيس=عواذلٍ(ن)ومناتهم يحرجونك
أفكار تلعب بي سواة الكوابيس=جنون فكري شاركتها جنونك
أشيا كثيرة في ضميري محابيس=توافقت فيها ظنوني ظنونك
خابرك حذرة من عيون الأباليس=لو حصلوا هفوة فما يرحمونك
عليهم اللعنة مثل لعنة ابليس=يتظاهروا بالطيب ويراقبونك
أطيار ليلٍ(ن)يعشقون الغطاليس=وإلا بنور الشمس ما يبصرونك
يبغونك أسهل من رقيق القراطيس=في نارهم لا من بغوا يحرقونك
أهل العقول الفارغات المفاليس=يخسون ثم يخسون ما ياصلونك
من دونك حصون وقلاع ومتاريس=محال تنهاني بداخل حصونك
دامك معي لا تشتقي بالهراديس=تحرسك عيني من خلافك ودونك
أعاهدك عهد الرجال السناعيس=والله يخون اللي بعهده يخونك
إني لصونك يا جميل النواعيس=كوني على بعضه فدايا لكونك
وإلا ترى ماني من أهل النواميس=إن كان ما كنت لك بالوقت عونك
لا عاد ترقب من خلاف الكواليس=تقرأ قصيدي ثم تغشك عيونك