أسعدكم الله
يقولون بالأمثال هذاك بيت القصيد
اليكم الأبيات وبها بيت القصيد
علها تروق لكم
اعطيتك القلب يا حبي بلا منه=واجب عليه حياة الروح بكرمها
ما همني لو شكيت الجرح والونه=ياللي من الخلق علّي دوم ما أعدمها
حظي معك مثل حلم بليس بالجنه=يحلم بها والله بحكمه محرمها
يحمسني الشوق حمس الجمر للبنه=مشاعر الروح يبنيها ويهدمها
يا من هواها ذيح قلبي بلا سنه=وأنا مناتي عسى ربي يسلمها
بنتيت لك قصر والأطياف يزهنه=في داخل القلب وأبوابه محكمها
ما يسكنه غيرك من الأنس والجنه=حراس قلبي على قصرك مفهمها
قصائد الشعر من شأنك يغننه=في مسرح الروح نبض القلب يرسمها
مشاعري بالحشا قلبي يهشنه=هش الغصون اليباس بريح هشمها
العود يقرع كما ما تقرع الشنه=يابس من الوجد وعروقي مسممها
اعطيتك القلب يا حبي بلا منه=واجب عليه حياة الروح بكرمها