ياربع يلي تفطنون الكلامي
بقول قولٍ عساكم ما تردونه
العقل كمّل صاحبه بالتمامي
والجهل كبّل صاحبه في سجونه
والدين صيّر صاحبه للأمامي
ومن حبه الله خلقه يحبونه
وصاحب الذنب دوم عامي
يطيح قدره ولو كنتم تعزونه
والعاصي جعل عينه ما تنامي
كيف يهتني والنار دونه ودونه
ولا تعطي الدنيا عظيم الاهتمامي
ومن أمنك في شي أبد لا تخونه
واحرص على دينك بالتزامي
ودرب النجاة كلكم تعرفونه
والزم بسنة نبي الأنامي
واتبعه في فعلك وقولك تصونه
عن هرج يلي هرجهم بالظلامي
بالزور والكذب والبهتان يزودونه
واكثر من الخير تراه نامي
ينفعك في يوم عظيم ما تطقونه
وبذكر النبي بزين ختامي
عليه صلاتي عدد ما في مزونه