هذه تكملة الابيات

الراس من صوك التفاكيـر خـاوي
من كثر ما ينهل لها مـن فرظهـا

وروابعٍ ٍ منهـن بحالـي سطـاوي
وارد سهمهنـه ضلوعـي لحظهـا

منه مرضي ماكن مهوب متشـاوي
أجاحده ليـن إن روحـي قرظهـا

فيّه من أحـداث الليالـي شكـاوي
ما ينقص إن ما زاد عندي مرضها

أركت على كبدي ظريـر المكـاوي
وزادت علي إلا إن ربـي خفظهـا

وان قلت من صبري بقالي شلاوي
علي ركضـات المسبـب ركضهـا

ركظات منهنـه صوابـي مخـاوي
صوابٍ أردانـي ونفسـي غمظهـا

عن العلاج أحظا بعـذر المـداوي
شكواي لو هو محترف ماعترضها

وخيم على اللياس دون الرجـاوي
وعزايمي صرف الليالـي نقظهـا

لو كان مال الذل حولـي حـراوي
مير الحلول الوقت عنـي برظهـا

واصبحت مالي حيلـةٍ فالمقـاوي
ونفسي تلقت منـه درسٍ وعظهـا

ما كنت في نطح الصعائب مـراوي
ولا اتبع نظر عمى العيون وغمضها

ما كل من ينعـت مـداوي يـداوي
ولا كل من يندب لشكوى رفضهـا

كلٍ علـى مقـدار عرفـه غنـاوي
وروس الجبال تشوم عن منخفضها

اللي على شاهر قممهـا شفـاوي
أخشا الخطر لين ألتجي في عرضها

ونهظت لطوال الشواهيـق نـاوي
واخترت عن زبنة بعضها بعضهـا

شاهوق دونه ما حدانـي حـداوي
لين إن دعو اي أبلغه عن غلظهـا

وأن قيل منهو فيه ما نيب غـاوي
لا والذي خمس الفرائض فرضهـا

هذاك من ينعـت خيـار النشـاوي
يملك عموق المرجله ما أقترضهـا

نسل الشيـوخ محققيـن المنـاوي
عنهم ورث بيض الدروب وحفظها

أبوه لخصـال العظيميـن حـاوي
صفات أبو نايف وصل ما أفترضها

المجـد ميكـاره منـه فالعـلاوي
رام الجمالـه والشهامـة قبضهـا

وجده ليا أستعصت كبار البـلاوي
عنه الحمول الكائـده مـا نفضهـا

يبرك لها مثـل البليهـي رهـاوي
كم قالتٍ ترقـى سنـود وخفضهـا

والجد الآخر يوم شهـر العـزاوي
له هدةٍ مثـل الصواعـق قظظهـا

يفرح صديقه فالنهـار القصـاوي
وجدى عدوه قنبـتٍ لـه جعظهـا

ومن كان في هاك العرين متساوي
هيبات سـادات العريـن إحتفظهـا

وشبل الأسود إبها وثيق العـراوي
هاماتهـا وعزومهـا مـا نقضهـا

ولا دون عذبات المـوارد مـلاوي
عنها يجي عند الموالـي عوضهـا

عد العـدود مبرهجـات الـرواوي
فيضه رهي ومنهله مـن فيضهـا

نايف فرح قلب الظهيـد الحيـاوي
هو منُتها شكوى البيوت وعرضها

هو مورد الشكوى وفوق الحظاوي
على جنابـه فالبيـوت نعرضهـا

تهـون قدامـي غـلاظ الدعـاوي
ليا من حجانـه لعلمـي نهضهـا

ما جيته إلا يوم وضعـي قسـاوي
غيره دروب الكود مـن يعترضهـا

يا طيـب المبـدأ بعيـد الهقـاوي
ليا حملت سـود الليالـي غيظهـا

زومان تلقا فـي حمـاه النجـاوي
وان جا نفت عوب الحمول إنتعظها

واسلم وسامح يا سمـي النـداوي
وازكا تحية لـك فـؤادي نبضهـا

هذه القصيده للشاعر: محماس بن شميصان العضياني