صباحكم ...مساؤكم وردي
واليكم أخر الجديد
أمل يحوز على الرضا والقبول
مضنوني الغايب حضر لو تأخر=من فرحتي صارت دموعي هماليل
الليل كله قاعد(ن)وأتفكر=معقول تطلع شمس في ظلمة الليل
قضيت كل الليل مع طيفه أسهر=وأرد من بالي لبالي تماثيل
أناظر اللي شفت صورته وأبهر=عيني وفكري والشعر والمواويل
الجادل اللي كل ما فيه يسحر=اللي نهب عقلي بحلو المراسيل
الخد وردي والشعر ناعم أشقر=والعين كحلا في رموش مظاليل
كن الشفاه بلونها جمر(ن)أحمر=يا ويل قلبي منه يا ويل يا ويل
سيطر على الأعماق من غير مشعر=حتى غديت من الوله فاقد الحيل
سجيت مع صورته وأعود وأذكر=إن المسافة بيننا تقطع الحيل
الي سنين طوال وأيام وأشهر=ما فارقت روحي بعدل ولا ميل
لكنها بالقلب تكبر ويكبر=عشقي لها والحب كله غرابيل
القاه ما بين السطور يتمخطر=سبحان من كمله بالحسن تكميل