اليوم أطرح لكم قصيدة مختلفة
أرجو تنال شيئا من القبول
بنيت من زين الطواريق طرقا=بالعزوة اللي ما تعرف الهزايم
مادام ربعي روق وأنا ببرقا=أهل الفعول الطيبة والعزايم
لطامة العايل ليا قال فرقا=ذباحة الحايل من أغلى البهايم
دائم مع الأمجاد حنا نترقا=نرمي ليا جات الزوم العمايم
ما نكـسب الطالة بغدر وسرقا=الا بحد المرهفات الصرايم
سم(ن)على كبد المعادي تعرقا=قاعد على كبده مدى الدهر دايم
لا جا نهار الجد بغرب وشرقا=صحنا لهم والحظ بالعون قايم
واللي نبيه بشر نحرقه حرقا=لكن ما نمشي بدرب الظلايم
حنا هل الطالات مافيه درقا=ياكم كـسبنا بالمعارك غنايم
ياما تركنا بعدنا شيوخ غرقا=تبكي عليهم لابسات اللثايم
الخصم مانمهله نزرقه زرقا=على ظهور مقربات القوايم
ياما قطعنا من وتين وعرقا=على ظهور الصافنات الحشايم
من رعبنا كم راح بالريق شرقا=يا ما تغدا بعدنا طير حايم
حتى جنون الأرض منا تدرقا=جوف الكهوف وفي بعيد الخرايم
من خوفها لا نخـرق الأرض خـرقا=حتى ولو كانت بوسط العدايم
هيا معي في سلم المجد نرقا=المجد ما حققه رجال نايم