أسعد الله أوقاتكم
الأبيات بدون مقدمات
يا ويل قلبي ما لحق ما يريده=من عقب روحة يالليالي وليفه
القلب ينزف والمسافه بعيده=بيني وبين اللي يداوي نزيفه
الموت يسكن يا قصيدي وريده=الجهد يضعف والايادي ضعيفه
طول غيابه ما وصلني جديده=القلب ينزف والبصاير كفيفه
بعده حياتي يازماني نكيده=لو ابتعد بالجسم ما راح طيفه
البعد يذبح من بلي به يكيده=أشد من طعن السيوف الرهيفه
الوقت قاسي ربنا لا يعيده=يا حيف وقتي بس ياحيف حيفه
فرقا الولايف يا زماني تجيده=زرعت في قلبي من الحب خيفه
كافي فعلت اللي بقلبي تريده=جرحت قلبي غصب ماهو بكيفه
وشلون بحيا في حياةٍ(ن)سعيده=بعد الذي محال بلقا وصيفه
يالله من خيرك خلي تزيده=يرتاح في دنيا هنية نظيفه
يارب تكتب له حياةٍ(ن)سعيده=ابعد عنه يارب حالٍ(ن)يعيفه
يا ويل قلبي ما لحق ما يريده=من عقب روحة يالليالي وليفه