وين الحبيب اللي له الروح تشتاق=شوق القلوب لدبت الروح فيها
مشتاق له شوق الشجاري للأوراق=من بد كل الناس قلبي يبيـها
عشقي لها ما يعرفه كل عشاق=قضيت عمري للهوى محتريها
لو العمر نمضيه في ضم وعناق=ما كان روحي شوقها مبتليها
ولا كان صدري بعدها بالقهر ضاق=ولا كان عيني دمعها مهتويها
ولا كان عانينا مواجيع وفراق=ولا كان نفسي همها محتويها
عدة سنين العقل مشغول ما فاق=مشاعري منها وترجع اليها
غرامها مستوطن إحساس الأعماق=ليل ونهار النفس تبكي عليها
لكن حسافة دونها البعد عواق=عاق القدم عن خطوةٍ(ن)نرتجيها
يالله يارب المغارب والإشراق=أما تجي وإلا تسهل وأجيها
الشوق بالأعماق ما عاد ينطاق=ماله دوا إلا مشاهد عينيها
شوف الحبيب اللي له الروح تشتاق=دوا العروق اللي عثا الشوق فيها