يالله يارحمن طالبك بالعون **** تعين المشتكي واللي شكى تعتنيبه

انا شكواي ماهي حاجتي للشون**** ولا هي حاجتي للي فلوسه بجيبه

اي والله ابكي واكثر الناس يبكون **** قد قالها الشاعر ولا هي غريبه

تنعاد ذا المره على شان مزيون **** مزيون غربلني وصرت بمصيبه

الصبح ميت فيه والعصر مدفون **** والليل مثل اللي مضيع ذهيبه

تايه بذا الدنيا وبالحب مجنون **** ضيع حياته لاجل ياجد طبيبه

يدفع دموعه للمداوين عربون *** * راحت عرابينه وربك حسيبه

ما حصل علاجه وبالحيل محزون **** حزنه على خل(ن) تناسى حبيبه

يا ليتني في ما مضى كنت مسجون **** لا طحت في حبه وواهج لهيبه

ولا عساني كنت في خارج الكون **** اسلى مع الخاطر ووثق صحيبه

كنا نظن بصاحب العشق بظنون **** ظنون ما هي يا عربنا مصيبه

واثره على ما قالوا الناس مغبون **** من كبر غبنه يلتوي بالغريبه

وا ليوم جربت الغرابيل من دون **** نرجع لما ضيت الوقوت المهيبه

وختامها صلوا على منذر الكون **** من يوم ما ينفع صحيب ال صحيبه